පීඩන අවපාතය මුලතිව් සිට 20 KM දුරින්.
නිරිතදිග බෙංගාල බොක්ක ප්රදේශයේ පැවති පීඩන අවපාතය අද (10) දින පෙ.ව. 11.30ට මුලතිව් සිට කිලෝමීටර 20 ක් පමණ නැගෙනහිරින් පිහිටා තිබෙනවා .
එය අද(10)දින සවස් කාලයේ මුලතිව් ආසන්නයේ වෙරළ තීරය හරහා ගමන් කිරීමට ඉඩ ඇති බවයි සඳහන් වන්නේ .
එය හෙට දින වන විට අඩු පීඩන ප්රදේශයක් දක්වා දුර්වල වීමට හැකියාව පවතින බවයි සඳහන් වන්නේ .
කොළඹ සිට පුත්තලම, මන්නාරම, සහ කන්කසන්තුරේ හරහා ත්රිකුණාමලය දක්වා වන ගැඹුරු සහ නොගැඹුරු මුහුදු ප්රදේශවල නැවත දැනුම් දෙන තුරු ධීවර සහ නාවුක කටයුතුවලින් වැළකී සිටින ලෙස දැනුම් දී තිබෙනවා .
කොළඹ සිට ගාල්ල සහ හම්බන්තොට හරහා මඩකලපුව දක්වා වන ගැඹුරු සහ නොගැඹුරු මුහුදු ප්රදේශවල ධීවර සහ නාවුක කටයුතුවල යෙදීම වළක්වාලමින් නිකුත් කරන ලද අනතුරු ඇඟවීම ඉවත් කර ඇති බව සඳහන් .
ධීවර සහ නාවික කටයුතුවල යෙදෙන ප්රජාව, කාලගුණ විද්යා දෙපාර්තමේන්තුව විසින් මේ සම්බන්ධයෙන් නිකුත් කරනු ලබන ඉදිරි නිවේදන පිළිබඳව අවධානයෙන් කටයුතු කරන ලෙසයි ඉල්ලා සිටින්නේ .
පුත්තලම සිට මන්නාරම සහ කන්කසන්තුරය හරහා ත්රිකුණාමලය දක්වා වෙරළට ඔබ්බෙන් වන මුහුදු ප්රදේශවල විටින් විට වැසි හෝ ගිගුරුම් සහිත වැසි ඇති වෙනවා .
දිවයින වටා වන සෙසු මුහුදු ප්රදේශවල ස්ථාන ස්වල්පයක වැසි ඇතිවිය හැකි බවයි සඳහන් වන්නේ .
