බස් රථ ධාවනයෙන් ඉවත් වෙයි

දිවයින පුරා පෞද්ගලික බස් රථවලින් සියයට 90ක් පමණ අද (22) දිනයේදී ධාවනයෙන් ඉවත් වන බව පෞද්ගලික බස් රථ හිමියන්ගේ සංගමය නිවේදනය කරයි.

ඊයේ (21) දින ඉතිහාසයේ වැඩිම ප්‍රතිශතයකින් ඉන්ධන මිල ඉහළ දැමීමට රජය පියවර ගැනීම හේතුවෙන් බස් රථ හිමියන් මෙම තීරණයට එළඹ ඇති බව එම සංගමයේ සභාපති ගැමුණු විජේරත්න මහතා ප්‍රකාශ කළේය.

මේ හේතුවෙන් කඩිනම් බස් ගාස්තු සංශෝධනයක් සිදු කරන තෙක් ධාවන කටයුතු සීමා කිරීමට ඔවුන් අපේක්ෂා කරන බව ද ඔහු වැඩිදුරටත් පැවසීය.