අමෙරිකාවෙන් ශ්රී ලංකාවට TH-57 (Bell 206 Sea Ranger) හෙලිකොප්ටර් යානා 10ක ප්රදානයක්.
ආපදා තත්ත්වයන් සඳහා අමෙරිකාවෙන් ශ්රී ලංකාවට හෙලිකොප්ටර් 10ක්
ආපදා සහ හදිසි අවස්ථාවන්හිදී භාවිතා කිරීම සඳහා, අමෙරිකා එක්සත් ජනපදය විසින් ශ්රී ලංකාවට හෙලිකොප්ටර් යානා 10ක් ප්රදානය කිරීමට තීරණය කර තිබේ.
ශ්රී ලංකාවේ අමෙරිකානු තානාපති ජූලි චන්ග් මහත්මිය, සිය ‘X’ (Twitter) ගිණුමේ සටහනක් තබමින් සඳහන් කර ඇත්තේ, මෙම හෙලිකොප්ටර් TH-57 (Bell 206 Sea Ranger) වර්ගයට අයත් වන අතර, ඒවා ටෙක්සාස් ප්රාන්තයේ නිෂ්පාදනය කර ඇති යානා බවයි.
Excess Defense Articles (EDA) වැඩසටහන යටතේ, උපකරණ සඳහා කිසිදු වියදමක් නොමැතිව මෙම හෙලිකොප්ටර් ශ්රී ලංකාවට ලබාදීමට නියමිත අතර, 2026 වසරේ මුල් භාගයේදී ඒවා ශ්රී ලංකාවට පැමිණීමට අපේක්ෂා කෙරේ.
‘දිට්වා’ සුළි කුණාටුව වැනි ස්වාභාවික ආපදාවන්හිදී පුද්ගල සෙවීම් හා ගලවාගැනීමේ මෙහෙයුම් සඳහා හෙලිකොප්ටර්වල ඇති අත්යවශ්ය භූමිකාවද තානාපතිවරිය අවධාරණය කර ඇත.
මෙම හෙලිකොප්ටර් 10ක් ශ්රී ලංකා ගුවන් හමුදාවට ලබාදීමෙන්, එහි හෙලිකොප්ටර් බලඝනය ශක්තිමත් වන අතර, නියමු පුහුණුව වර්ධනය කරමින්, වඩා කාර්යක්ෂම ආපදා ප්රතිචාර මෙහෙයුම් සිදු කිරීමට දායක වනු ඇත.
